Qaraǵandy oblysynda jeńil kólik temir qorshaýdy buzyp ketip, júrgizýshi mert boldy
QARAǴANDY. QazAqparat - Qaraǵandy - Osakarovka trassasymen Astanaǵa ketip bara jatqan jolda «Toyota Camry» kóligi jol jıegindegi temir qorshaýdy buzyp ketti. Jol apatynyń saldarynan kólik júrgizýshisi mert boldy, dep habarlaıdy QazAqparat.
Oblystyq Іshki ister departamentiniń habarlaýynsha, jol apaty 19 shilde kúni saǵat 16-00-de Qaraǵandy-Osakarovka avtojolynyń boıynda boldy. Oshaǵandy aýylynan 1 km jerde «Toyota Camry» kóliginiń 33 jastaǵy júrgizýshisi aldyn ala málimetter boıynsha, kólikti basqara almaı qalyp, metall qorshaýǵa soǵylǵan.
Kóliktiń qorshaýǵa qatty soǵylǵan, sonyń saldarynan tipti qorshaý temirleri kólikti tesip shyqqan. Kólikte eki adam bolǵan. Er adam oqıǵa ornynda kóz jumdy. Túrli dene jaraqattaryn alǵan áıel adamdy aýrýhanaǵa alyp ketti.
Atalǵan jol-kólik oqıǵasy sotqa deıingi tergeý reestrine QR QK-niń 345 baby, 3 bóligi boıynsha tirkeldi. Tıisti saraptaýlar taǵaıyndalyp, tergeý júrgizilip jatyr.
