Qaraǵandy oblysynda jeńil kólik pen avtobýstyń soqtyǵysýynan eki adam ajal qushty
QARAǴANDY. 17 shilde. QazAqparat - Jezqazǵan qalasynda «Mersedes-Bents» kóligi «PAZ-32051» jolaýshylar avtobýsymen soqtyǵysty.
Saldarynan 2 adam jan tapsyrdy, bireýi japa shekken. Bul týraly oblystyq ІІD baspasóz qyzmetinen habarlady.
«16 shilde kúni Jezqazǵan qalasynda Baıqońyrov kóshesinen Abaı arqyly Mámetov kóshesine bet alǵan «Mersedes-Bents» kóliginiń 24 jastaǵy júrgizýshisi basqarý tetigine ıe bola almaı, JShS-lardyń biriniń 48 jastaǵy júrgizýshisi tizgindegen «PAZ-32051» avtobýsymen betpe-bet soqtyǵysty», - delingen taratylǵan habarlamada.
Tártip saqshylarynynń aqparyna qaraǵanda, jol apatynan «Mersedes-Bents» kóliginde otyrǵan 19 jastaǵy boıjetken alǵan jaraqattardan oqıǵa ornynda qaza tapty. Sheteldik temir tulpardyń júrgizýshisi aýrýhanada jansaqtaý bóliminde kóz jumdy.
«PAZ-32051» avtobýsynyń 28 jastaǵy áıel jolaýshysy túrli jaraqattarmen aýrýhanaǵa jetkizildi.
«Bul oqıǵa boıynsha qylmystyq is qozǵalyp, tergeý jumystary júrgizilýde», - dep atap ótilgen habarlamada.
