Qaraǵandy oblysynda jemshóp daıyndaý máselesi qalaı sheshimin tabady

QARAǴANDY. QazAqparat – Qaraǵandy oblysynda malshylarǵa qys mezgiline 2,2 mln tonna shóp daıyndaý qajet, dep habarlaıdy QazAqparat tilshisi.

Aýyl sharýashylyǵy basqarmasynyń basshysy Asqar Sanaýbarov apparat jınalysynda jumys qalaı júrip jatqanyn jáne fermerlerge qandaı qoldaý kórsetiletinin aıtyp berdi.

«Aýdan ákimdikteriniń derekteri boıynsha búgingi kúni 312,6 myń tonna shóp daıyndaldy. Jumys josparyna sáıkes jemshóp daıyndaýdy 1 qazanǵa deıin aıaqtaý qajet. Tehnıka jetkilikti. Aýyl sharýashylyǵy mınıstrligine shóp shabý jumystary úshin arzandatylǵan dızel otynyn qosymsha bólýge ótinim joldandy. Sondaı-aq, qajet bolǵan jaǵdaıda aýylsharýashylyq taýar óndirýshilerine memlekettik jer beriledi», – dedi ol.

Basqarma basshysynyń aıtýynsha, shóp baǵasynyń kóterilýine jol bermeý týraly memorandýmǵa qol qoıý josparlanǵan.

Sondaı-aq, shópti aımaqtan tys jerlerde satýǵa tyıym salynýy múmkin.

«Azyq-túlik qaýipsizdigi - basym mindetterdiń biri. Biz ishki naryqty óz ónimderimizben tolyqtyrý úshin shara qabyldaýymyz kerek. Azyq daıyndaýdy ýaqytynda aıaqtaý qajet. Aýyl sharýashylyǵy basqarmasy, aýdan ákimderi qazirdiń ózinde egin jınaý jáne turaqtandyrý qoryn tolyqtyrý úshin qajetti barlyq nárseni jasaýy kerek», – dep atap ótti oblys ákimi Jeńis Qasymbek.