Qaraǵandy oblysynda jekemenshik turǵyn úıdiń aýmaǵyndaǵy jazǵy asúıi órtenip, er adam qaza tapty - QR TJM
ASTANA. 5 sáýir. QazAqparat - Qaraǵandy oblysy kentteriniń birinde jekemenshik turǵyn úıdiń aýmaǵynda ornalasqan jazǵy asúı órtenip, bir er adam qaza tapty, dep habarlaıdy QR TJM-niń baspasóz qyzmetinen.
Sársenbi, 4 sáýir kúni Qaraǵandy oblysynyń Shahterskıı kentindegi Ekibastuz kóshesinde ornalasqan jekemenshik turǵyn úıiniń bólek turǵan jazǵy asúıinde órt boldy.
Órt aýmaǵy 3 sharshy metrdi sharpydy. Ony sóndirý kezinde 48 jastaǵy er adamnyń máıiti tabylǵan.
Tilsiz jaýdy sóndirýge QR TJM Qaraǵandy oblysy boıynsha TJD órt sóndirý qyzmeti jeke quramynyń 10 adamy men 2 tehnıkasy jumyldyrylǵan.
