Qaraǵandy oblysynda jedel járdem shaqyrý sany úsh esege azaıdy
QARAǴANDY. QazAqparat - Sońǵy eki apta ishinde Qaraǵandy oblysyndaǵy epıdemıologııalyq jaǵdaı turaqtandy. Qazirgi ýaqytta bir táýlikte aýrýhanadan jazylyp shyqqan patsıentter sany emdeýge jatqyzylǵandarǵa qaraǵanda kóbirek. Statsıonarlardyń júktemesi tómendedi, dep habarlaıdy QazAqparat tilshisi.
Qaraǵandy oblysynda juqpaly jáne pýlmoprovızorlyq beıindegi 4 486 oryn bar. Juqpaly jáne provızorlyq gospıtalderdegi oryndar júktemesi 50%-ǵa deıin azaıdy. Qazir oblys statsıonarlarynda 2 433 naýqas emdelip jatyr. Epıdemııa bastalǵannan beri 4 403 naýqas jazyldy – bul ınfektsııa juqtyrǵandardyń jalpy sanynyń 62%-y.
Sonymen qatar jedel járdemge júginý sany da azaıdy. Buryn dıspetcherler táýligine 2 200 shaqyrylym qabyldasa, qazir 600-ge deıin qońyraý soǵylady.
«Jedel járdem shaqyrý úsh esege azaıdy. Tósek-oryn bar, búginde olardyń 50%-y bos jáne rezervte tur. Eki apta buryn bul kórsetkish aıtarlyqtaı joǵary boldy jáne 80%-dy quraǵan bolatyn», - dep atap ótti Qaraǵandy oblysynyń ákimi Jeńis Qasymbek Úkimet otyrysynda.
Sondaı-aq, óńirde aýrýhanalardyń jabdyqtalýyna erekshe kóńil bólinedi. Naýqastardy ottegimen qamtamasyz etý úshin 1 500 kontsentrator satyp alyndy, sondaı-aq bes obektige medıtsınalyq gaz berýdiń ortalyqtandyrylǵan júıesi ornatyldy.
Qazir 90 ÓJJ apparat satyp alynyp, olardyń 10-y osy aptada jetkiziledi. Jaqynda demeýshiler Qaraǵandyǵa óz qarjysyna Túrkııadan satyp alynǵan 100 ottegi kontsentratyn jáne qajetti dári-dármekti, sonyń ishinde antıkoagýlıanttardy jetkizdi.
«Búginde 17 kompıýter tomografııasy kabıneti jumys isteıdi. Qazan aıynda taǵy beseýi - Shahtınsk, Qaraǵandy, Balqash, Jezqazǵan, Sátbaev qalalarynda ornatylady. Sonymen qatar, biz 25 zamanaýı sandyq rentgen apparatyn satyp alamyz», - dedi aımaq basshysy.
Sondaı-aq, óńirde dárilik zattardyń strategııalyq qoryn qalyptastyrý boıynsha jumys júrgizilýde. Reseıden 17 tonna dári kelip tústi. Dári-dármekterdi jetkizýdi úsh ese ulǵaıtý josparlanyp otyr.
