Qaraǵandy oblysynda jedel járdem kóligi janyp ketti
QARAǴANDY. QazAqparat - 18 qańtarda tańǵy saǵat 8-de Abaı qalasy men Novodýbovka kentiniń arasyndaǵy tasjolda «Jedel járdem» stantsııasynyń «ÝAZ» kóligi janyp ketti, dep habarlaıdy «QazAqparat» HAA tilshisi.
Salonda naýqastar bolmaǵan. Dárigerler syrqatqa kómek kórsetip, kentten qalaǵa kele jatqan. Órttiń aldyn ala sebebi - «ÝAZ»-dyń janarmaı júıesinde aqaý bolǵan.
«Eshkim zardap shekken joq. Onyń personaly jolda ketip bara jatqan júrgizýshilerdiń toqtap, janyp jatqan órtti uıaly telefondaryna túsirgenin ókinishpen eske aldy. Olar kelip, kómek kórsetpeı, órtti vıdeoǵa túsirgen. Keıin ol vıdeolar mynadaı jazbalarmen áleýmettik jelilerde paıda bolǵan: dárigerler men júrgizýshiler kúıip qalǵan, ıisti gazben ýlaný. Bul ótirik. Eshkim zardap shekken joq. Júrgizýshi órtti ózi óshirgen. Salonda órt sóndirý quraly bolǵan», - dedi óńirlik densaýlyq saqtaý basqarmasynyń baspasóz hatshysy Aıjan Isa.
