Qaraǵandy oblysynda jaıly mektepti qaı qurylys kompanııalary salady
Qaraǵandy oblysynyń kásipkerler palatasynda ótken keńeste ulttyq jobany iske asyrý, elishilik qundylyq úlesin arttyrý máseleleri talqylandy.
Kezdesý onlaın jáne oflaın rejımde ótti. Jergilikti qurylys materıaldaryn, jıhazdar men jabdyqtardy óndiretin óndirýshiler qatysty.
«2023-2024 jyldary birinshi kezeńde Qaraǵandy oblysynda 10 mektep salý josparlanǵan. Jeti mektep boıynsha konkýrs nátıjesi belgili boldy. Aımaq boıynsha qurylys kompanııalary anyqtaldy: «Stınk TFK» JShS, «Astana-Kóktem S» JShS, «AN Groups» JShS, «BiGlobal» JShS jáne jobalaý uıymdary: «Grajdanproekt» JShS, «IN JOY Project» JShS, «Engineering Center ltd» JShS, «Tortay Engineering Co» JShS. Anyqtalǵan jeńimpazdar ulttyq joba operatory – «Samruk-Kazyna Construction» AQ-men shartqa qol qoıady», – dedi «Samruk-Kazyna Constracion» AQ Qaraǵandy oblysy boıynsha óńirlik ókildiginiń joba jetekshisi Indıra Chermanova.
ERS-shart barlyq protsesterdi bir ýaqytta iske qosýǵa múmkindik beredi: jobalaý, jabdyqtar satyp alý jáne qurylys.
«Qaraǵandy taýar óndirýshileriniń pýly quryldy, kásipkerlerdiń qatysýymen tehnıkalyq erekshelikterdi talqylaý boıynsha jumys toby quryldy, semınarlar men kásiporyndarǵa saparlar ótkizildi. Bizdiń maqsatymyz – óńirdegi elishilik qundylyqty damytý jáne ulttyq joba aıasynda otandyq taýar óndirýshilerdi qoldaý», – dep atap ótti ÓKP dırektory Ernar Kúlpeıisov.
Esterińizge sala keteıik, «Jaıly mektep» pılottyq ulttyq jobasy elimizdegi oqýshy oryndarynyń tapshylyǵyn joıýǵa baǵyttalǵan.
Qazirgi mektepter biryńǵaı standartqa saı salynady. Bul qalalar men aýyldarda sapaly bilim alýǵa teń jaǵdaı jasaýǵa kómektesedi.
