Qaraǵandy oblysynda jasyl aýmaqtar qurylmaq
QARAǴANDY. QazAqparat - Qaraǵandy oblysynda qalalar men aýdan ortalyqtaryn jasyl aýmaqtarmen qorshaý josparlanyp otyr. Bekitilgen MEST-ke saı, ol úshin jalpy eseptegende 9982 gektar jerge aǵashtar otyrǵyzý kerek bolady. Bul týraly QazAqparat ákimniń saıtyna silteme jasap habarlaıdy.
Jasyl aýmaqtardy qurý jospary týraly Tabıǵı resýrstar jáne tabıǵatty paıdalanýdy josparlaý basqarmasynyń jetekshisi Rýslan Túlepbaev málimdedi. Onyń aıtýynsha, Qaraǵandy men temritaý mańynda aǵashtar otyrǵyzý jumys jobasyn qurý barysynda jalpy aýdany 1632,7 gektar jer telimderi usynylǵan.
Sondaı-aq, Rýslan Túlepbaev oblys aýmaǵynda memlekettik orman qorynda eskerilmegen ormandar ar ekenin málimdedi. Ol buryndary sovhozdar men kolhozdarǵa tıesili bolǵan ózen boıylaryndaǵy alqaptyq ormandar, orman men jaıylymdar shekarasyndaǵy shaǵyn ormanshyqtar jáne alqaptardy qorǵaıtyn orman jolaqtary. Olardy esepteý jáne tirkeý málimetterdi ózektendirýge jánede keleshekte bul aýmaqtardy oblystyń orman qoryna engizýge múmkindik beredi.
«Qala jáne aýdan ákimdikterine qala jáne aýdan ortalyqtarynyń mańaıynda jasyl aýmaq qurýǵa jer bólý múmkindigin qarastyrý qajet», - dedi Rýslan Túlepbaev.
Ol sonymen qatar oblys ákiminen 2019-2021 jyldarǵa memlekettik orman qorǵaýdy qamtamasyz etýge jáne orman mekemeleriniń materıaldyq-tehnıkalyq bazasyn nyǵaıtýǵa kezeń-kezeńmen qarajat bólý úshin bıýdjet qurastyrý kezinde qoldaý kórsetýdi surady.
Erlan Qoshanov bul máseleni mańyzdy dep taýyp, bul suraqty Qarjy jáne ekonomıka basqarmasy men Tabıǵı resýrstar jáne tabıǵatty paıdalanýdy retteý basqarmasynmen birige otyryp talqylaýdy tapsyrdy.
«Biz barynsha qoldaý kórsetýge tyrysamyz», - dedi oblys ákimi.
2003-shi jyly oblys ákimdiginiń basqarýyna 6 orman sharýashylyǵy berilgen bolatyn - Qaraǵandylyq, Temirtaý, Aqtoǵaı, Jańaarqa, Ulytaý jáne Kývskilik.
Berý kezinde memlekettik orman qorynyń aýmaǵy 179,3 myń ga quraǵan. Onyń ishinde 57,7 myń ga orman alqaptary.
2018-shi jyldyń qańtarynda Qaraǵandy oblysynyń orman qorynyń jalpy aýdany 614,8 myń ga boldy.onyń ishinde 153,3 myń ga orman.
2003-shi jyldan bastap aımaǵymyzdyń aýmaǵynda 2826,6 ga aýdanǵa aǵashtar otyrǵyzylǵan. Jasyl jelekter kóbinese Qaraǵandy, Saran, Shahtınsk qalalarynyń mańynda júzege asyryldy.
