Qaraǵandy oblysynda jasy 90-nan asqan 1800-den astam saılaýshy bar

QARAǴANDY. QazAqparat – Qaraǵandy oblysynda tańǵy saǵat jetide Qazaqstan Respýblıkasy Prezıdentiniń kezekten tys saılaý ýchaskeleri ashyldy. Óńirde olardyń sany 642, dep habarlaıdy QazAqparat tilshisi.

Oblystyq saılaý komıssııasynyń málimetinshe, 770 myńǵa jýyq saılaýshy tirkelgen. Onyń ishinde 6890 adam alǵash ret daýys beredi, jasy 90-nan asqan 1841 saılaýshy bar.

Saılaýshylar kópshiligi osy ýaqytta ýchaskelerge kelip, óz tańdaýyn jasady.

Kenshiler mádenıet saraıynda ornalasqan Qaraǵandy qalasynyń № 17 ýchaskesinde 2210 saılaýshy tirkeldi. Munda birinshi bolyp 26 jastaǵy Adelına Ómirtaı daýys berdi.

«Meniń oıymsha, búginde árbir qazaqstandyq óziniń saılaý quqyǵyn júzege asyrýy tıis. Barlyǵyn taǵdyrdyń erkine senip, qol silteı salmańyzdar. Eger mundaı múmkindik bolsa, bolashaǵymyzdy ózimiz anyqtaýymyz kerek», – deıdi Qaraǵandy óńiriniń turǵyny.

Daýys berý protsesin kommertsııalyq emes uıymdar men qoǵamdyq birlestikterdiń táýelsiz baıqaýshylary qadaǵalaıdy.

Esterińizge sala keteıik, Memleket basshysynyń Jarlyǵymen Prezıdenttiń kezekten tys saılaýy 2022 jyldyń 20 qarashasyna taǵaıyndaldy. OSK prezıdenttikke alty kandıdatty tirkedi. Memleket basshysy jeti jyldyq merzimge bir ret saılanady.