Qaraǵandy oblysynda jasóspirim sýǵa batyp bara jatqan balany qutqardy

QARAǴANDY. QazAqparat – Temirtaý qalasyndaǵy №9 mektep-lıtseıdiń 8 «b» synyby oqýshysy Arman Maksımov kanaldaǵy sýǵa batyp bara jatqan balany qutqaryp qaldy, dep habarlaıdy QazAqparat Qaraǵandy oblysy TJD-ǵa silteme jasap.

1 tamyzda saǵat 16.50-de qutqarýshylardyń pýltine «ArselorMıttal Temirtaý» AQ tehnıkalyq arnasynda bala sýǵa batyp bara jatqany týraly habarlama kelip túsken. Oqıǵa ornyna dereý qutqarýshylar men TJB jedel toby shyqty. Biraq qutqarýshylar oqıǵa ornyna kelgenge deıin sýǵa batyp bara jatqan balany ótip bara jatqan segizinshi synyp oqýshysy qutqardy.

Arman Maksımov №9 mektep-lıtseıdiń 8 «b» synybynda oqıdy. 1 tamyzda ol dostarymen birge pıknıkke barý úshin qumdy órimge bet alǵan.

«Biz kólge sırek baramyz, jaqsy júzbeımiz. Jaǵajaıdan góri órimge baramyz. Sebebi jaǵajaıda adamdar kóp, órimde az, sondyqtan biz sol jerge pıknık jasaýǵa bardyq. Arna boıymen júrdik, men birtúrli dybystardy estidim, maǵan eki beıtanys bala júgirip kelip: «Toqta, toqta! Siz júze alasyz ba? Ana jerde bala sýǵa batyp jatyr dedi», - dep eske alady Arman.

Sýǵa batyp bara jatqan balany kórgen Arman oılanbastan birden kanal arqyly ótetin qubyrdan sýǵa sekirgen.

«Men sýǵa jedel sekirdim. Ony aıaǵymen jaǵaǵa ıterip, ózim sýdan áreń shyqtym. Arqamen jatyp, aıaq-qolymdy bulǵadym», - dep eske alady Arman. – Sol sátte qorqynysh týraly múlde oılamadym.

Sýǵa batyp bara jatqan balany armannyń dostary jaǵaǵa shyǵaryp aldy. Jótelip, ózine kelip, qutqarylǵan bala zattaryn ustap alyp, belgisiz baǵytqa qashyp ketken. Onyń jeke basyn anyqtaý múmkin bolmady.

Arman óziniń júzýdi eki jyl buryn ǵana óz betimen úırengenin aıtty.

«Árıne, men ulymdy maqtan tutamyn. Biraq men ulym úshin qatty qoryqtym. Oqıǵa týraly estigende kózime eriksiz jas keldi. Ulym onymen birge sýǵa batyp keter ma edi?» – deıdi jas qutqarýshynyń anasy Amangúl.

Qutqarýshylardy oqıǵa ornyna kýágerlerdiń biri shaqyrdy. Biraq qutqarýshylar kelgen kezde, bul jerde eshkim bolmaǵan. Bári tarap ketken bolatyn.

AMT – tehnıkalyq arnasy shomylýǵa tyıym salynǵan oryndardyń biri. Súńgý kezinde siz aǵynnyń jáne taıǵaq kólbeý qabyrǵalardyń qaýiptiligin aıtpaǵanda, armatýraǵa nemese basqa qaýipti zattarǵa tap bolýyńyz múmkin.

Qaraǵandy oblysynyń TJD jas jigitke batyldyǵy, saýatty is-áreketi jáne sýǵa batqan adamdy qutqarý kezinde kórsetken erligi úshin alǵys bildiredi.

Batyldyǵy, saýatty is-áreketi jáne sýǵa batqan adamdy qutqarý kezinde kórsetken erligi úshin Arman Maksımovty marapattaý úshin vedomstvolyq nagrada TJ mınıstrligine joldandy.