Qaraǵandy oblysynda «Jasóspirim» sharasy barysynda mindetin durys oryndamaǵany úshin 67 ata-ana jaýapkershilikke tartyldy
QARAǴANDY. QazAqparat - Qaraǵandy oblysynda «Jasóspirim» jedel-aldyn alý sharasyn ótkizgen alty kún ishinde polıtseıler ata-ana mindetin adal oryndamaýdyń 70-ke jýyq faktisin anyqtaǵan. Bul týraly oblystyq ІІD baspasóz qyzmetinen habarlady.
«Jetkinshekterdiń ata-analary zańdy buzdy. 6 kún ishinde QR ÁQK 127 baby boıynsha balany tárbıeleý mindetterin oryndamaǵany úshin 67 ákimshilik materıal toltyryldy», - delingen habarlamada.
Sonymen qatar, kámelet jasqa tolmaǵandarǵa qatysty 18 qorǵaý nusqaýy shyǵaryldy.
Kámeletke tolmaǵandarǵa alkogol jáne temeki ónimderin satýdyń 87 fakti anyqtaldy.
Vedomstvo aqparatynsha, túrli quqyqbuzýshylyqtarǵa barǵany úshin 338 kámeletke tolmaǵan jetkinshek polıtsııa bólimine jetkizildi. 214 jasóspirim túngi ýaqytta eresekterdiń baqylaýynsyz dalada serýendep júrgen jerinen ustaldy. 26 kámeletke tolmaǵan jasóspirim usaq buzaqylyq jasap jatqan kezinde qolǵa tústi.
«Jasóspirim» jedel-aldyn alý sharasy oblysta 1 jáne 10 sáýir aralyǵynda ótedi.
