Qaraǵandy oblysynda jas dárigerlerdi tartýdyń erekshe ádisi qoldanylýda

QARAǴANDY. QazAqparat - Qaraǵandy oblysynda jas dárigerlerdi tartýdyń jańa ádisin oılap tapty, depr habarlaıdy óńir basshysynyń resmı saıty.

Atap aıtqanda, «Dıplommen aýylǵa» baǵdarlamasy boıynsha keletin medıtsınalyq joǵary oqý oryndarynyń túlekteri úshin óz páterleriniń dızaıny men jobalaýyn tańdaý múmkindigi beriledi.
Bolashaq dárigerlerdiń tańdaýyna 3 úıdegi 100 páter usynylady. Ol úshin Qarqaralyda 28 páter, Temirtaýda 60 jáne Qarajalda 12 páter bólingen. Ótinishter barlyq mamandardan qabyldanady. Alaıda basymdyq akýsher-gınekologtarǵa, neonatologtarǵa, ınfektsıonısterge jáne jalpy praktıkalyq dárigerlerge beriledi.
«Bıylǵy jyl - Jastar jyly dep jarııalanǵan soń biz bolashaq dárigerlerge yńǵaıly bolý úshin barlyq múmkindikterdi jasap otyrmyz. Turaqty jumyspen qosa túlekterge 100 AEK kóleminde áleýmettik qoldaý kórsetiledi. Jáne de taǵy bir bonýs - olar bolashaq páterleriniń jobalaýyn ózderi tańdaıdy»,- dep atap ótti Qaraǵandy oblysynyń densaýlyq saqtaý basqarmasynyń jetekshisi Erjan Nurlybaev.
Densaýlyq saqtaý basqarmasynan málim etkendeı, olardyń páterlerindegi jóndeý jumystary kezinde aýyldyq dárigerlerge ýaqytsha baspana jalǵa beriledi. Ótinish berý úshin aýdandyq ákimdikke baryp, barlyq qajetti qujattardy jınaý kerek. Ótinishter qaralǵan soń bolashaq dárigerler páter dızaıny men jobasyn aqyldasý úshin áńgimelesýge shaqyrylady.
Tolyq aqparattardy myna +7 747 502 2959, +7 702 253 1155 nómiri boıynsha bilýge bolady.