Qaraǵandy oblysynda jan túrshigerlik jol apatynan eki jigit qaza tapty
QARAǴANDY. QazAqparat - Qaraǵandy oblysy aýmaǵynda, «Qaraǵandy - Shahtınsk» avtojolynda jan túrshigerlik jol apaty boldy. KamAZ ben jeńil kóliktiń soqtyǵysýy saldarynan eki adam qaza tapqan, dep habarlaıdy QazAqparat tilshisi.
«11 shilde kúni 22:00-de Qaraǵandyny betke alǵan «Folksvagen golf» avtomobıliniń 21 jastaǵy júrgizýshisi 53 jastaǵy er adam júrgizip kele jatqan «KamAZ - 5320» júk kóligimen soqtyǵysqan», - dep málim etti Qaraǵandy oblystyq ІІD ókilderi.
Apat saldarynan «Folksvagen golf» júrgizýshisi oqıǵa ornynda qaza tapqan, al 17 jastaǵy jolaýshy Shahtınsk ortalyq aýrýhanasynda jantásilim etti. Jeńil kóliktegi taǵy eki jolaýshy aýrýhanada jatyr.
Osy derek boıynsha QR Qylmystyq kodeksiniń 345-baby, 4-bóligine sáıkes is qozǵalyp, tıisti saraptamalar belgilendi.
