Qaraǵandy oblysynda jalǵan aqparat taratqandarǵa qylmystyq is qozǵaldy
Prokýratýra jalǵan aqparat taratqany úshin qylmystyq jaýapkershilik qarastyrylǵanyn eske salady. Qazaqstan Respýblıkasy Qylmystyq kodeksiniń 274-baby boıynsha iri mólsherdegi aıyppul (5 000 AEK-ke deıin) nemese 7 jylǵa deıin bas bostandyǵynan aıyrý jazasy qarastyrylǵan.
«Mundaı faktilerdi anyqtaý úshin kúndelikti BAQ pen áleýmettik jeliler baqylanady. Quqyq qorǵaý organdary barlyq qajetti tehnıkalyq múmkindikterge ıe jáne quqyq buzýshylarǵa qatysty zańnyń talaptaryna sáıkes qatań sharalar qoldanady», - dep atap ótilgen habarlamada.
Búgingi tańda Qaraǵandy oblysyndaǵy epıdemıologııalyq jaǵdaı turaqty. Koronavırýs ınfektsııasyna qatysty jańa jaǵdaı tirkelgen joq. Emdeý kýrsyn ınfektsııalyq bólimniń jabyq boksynda oqshaýlanǵan eki naýqas qabyldap jatyr.
366 adam táýlik boıy baqylaýdaǵy karantınde. Bular 1A sanatyndaǵy elderden oralǵan nemese shartty juqtyrǵan adamdarmen baılanysta bolǵan azamattar. 68 adam úı karantıninde, 357 adam oqshaýlanýsyz medıtsınalyq baqylaýda.
8000-nan astam nysanda sanıtarlyq-dezınfektsııa rejimi qadaǵalanýda. 15 ýchaskede buzýshylyq anyqtaldy.
Sotta alty isti qaraldy. Kinálilerge aıyppul salý jáne qamaýǵa alý týraly ákimshilik jaza qoldanyldy. Toǵyz nysan oblystyń bas memlekettik sanıtarlyq dárigeriniń buıryǵymen jabyldy.
Qarqaraly aýdanynyń turǵyny 58 adamnyń qatysqan merekelik shara úshin 5 táýlikke qamaýǵa alyndy. Sot ony Qazaqstan Respýblıkasynyń Ákimshilik quqyq buzýshylyq týraly kodeksiniń 476-baby boıynsha kináli dep tapty.
Qaraǵandy oblysynyń joldarynda sanıtarlyq beketter ashyldy. Ol jerde polıtsııa men sanıtarlar birlesip jumys isteıdi. Kólikterdiń qozǵalysyna eshqandaı shekteý joq. Barlyq kireberister men qaladan shyǵatyn jerlerde júrgizýshiler men jolaýshylardyń densaýlyǵy tekseriledi.