Qaraǵandy oblysynda zańsyz oıyn bıznesin uıymdastyrǵandar 16 mln teńge tabys tapqan
QARAǴANDY. QazAqparat - Qaraǵandy oblysynda zańsyz oıyn bıznesin uıymdastyrǵan qylmystyq top quryqtaldy, dep habarlaıdy QazAqparat Qarjy monıtorıngi komıtetine silteme jasap.
Qarjy monıtorıngi komıtetiniń Qaraǵandy oblysy boıynsha ekonomıkalyq tergeý departamenti qyzmetkerleri jedel izdestirý barasynda 2018 jyldyń qańtar aıynan 2020 jyldyń mamyr aıyna deıin Jezqazǵan jáne Sátpaev qalalarynda zańsyz oıyn bıznesin uıymdastyrǵan 4 adamnan turatyń uıymdasqan qylmystyq toptyń jolyn kesti.
Zańsyz aınalymnan ártúrli oıyn jabdyqtarynyń 160 asa jıyntyǵy tárkilenip, qylmystyq áreketten kelgen tabys 16 mln teńgeden astam somany qurady.
Anyqtalǵan fakti boıynsha sotqa deıingi tergeý júrip jatyr.
