Qaraǵandy oblysynda zańsyz bankrot bolǵan «Art Tekstıl» basshylary sottaldy
Vedomstvonyń málimdeýinshe, ádeıi jáne jalǵan bankrottyq - qaryzdardan qutylýdyń eń jıi qoldanylatyn tásili.
«Kóbinese zańsyz bankrottyq bylaı jasalady, kompanııa bankten úlken kólemde nesıe alady, sodan keıin kepilmen qamtamasyz etilmegen qundy aktıvterdi shyǵaryp alady da, esepshottar úshin tólem júrgizýdi toqtatady jáne sáıkesinshe bıýdjetke tólem jasalmaıdy. Osydan keıin ol bankrottyq rásimin bastaıdy», delingen habarlamada.
Agenttiktiń Qaraǵandy oblysy boıynsha aýmaqtyq departamenti «Art Tekstıl» JShS-nyń ádeıi bankrottyq jasaýyna qatysty fakt boıynsha qylmystyq isti tergedi.
«Tergeý barysynda kásiporynnyń quryltaıshysy men basshysy I.Felker men R. Kýran kásiporyn bankrot dep tanylǵanǵa deıin 3 jyl ishinde múlikke - jer ýchaskesin, ǵımaratty, avtokólikti ıelený quqyǵyn jalǵan tulǵalarǵa zańsyz bergeni anyqtaldy.
Osylaısha, olar jalpy somasy 86 mıllıonnan astam teńgege salyq tóleýden jaltarýǵa tyrysqan», delingen habarlamada.
«Art Tekstıl» JShS múlkin berý jáne satý týraly sharttar jaramsyz dep tanyldy, barlyq múlik qaıtaryldy.
I. Felker men R. Kýran 1,5 jylǵa bas bostandyǵyn shekteý jazasyna tartyldy.