Qaraǵandy oblysynda zańsyz balyq aýlaǵandar ustaldy
QARAǴANDY. QazAqparat – Qaraǵandy oblysynyń polıtseıleri 100 keliden astam balyq aýlaǵan brakonerlerdi ustady, dep habarlaıdy QazAqparat tilshisi.
2000 metrge jýyq balyq aýlaý tory bar
Aǵymdaǵy jyldyń 6 qańtary kúni saǵat 16:30 shamasynda «Brakoner» jedel-profılaktıkalyq is-sharasy kezinde Qaraǵandy oblysy Polıtsııa departamentiniń tabıǵatty qorǵaý polıtsııasy Aqtoǵaı aýdanyndaǵy Shubar-túbek kentinde jaqyn jerden VAZ-2105 kólikti tizgindegen 43 jastaǵy jáne ÝAZ kóligin basqarǵan 46 jastaǵy eki aýyl turǵyndaryn ustady.
ÝAZ avtokóliginiń ishinen 95 keli balyq pen 1400 metr qytaılyq jeli tabyldy. Sondaı-aq, VAZ 2105 avtokóliginen 300 metr qytaı tory men 6 keliden astam balyq bolǵan. Ustalǵandar ózderiniń tordy paıdalanyp Balqash kólinen zańsyz balyq aýlaǵandyqtaryn moıyndady.
Atalǵan fakti boıynsha QRK ÁQ týraly zańynyń 383 baby 3 bóligi boıynsha (zańsyz balyq aýlaý) ákimshilik is qozǵaldy.
