Qaraǵandy oblysynda volonterlerdiń jumysyn úılestiretin ortalyq ashylady

QARAǴANDY. QazAqparat - Qaraǵandy oblysynda volonterlerdiń jumysyn úılestiretin «Qoldau» aımaqtyq resýrstyq ortalyǵy ashylady.

Bul týraly ózinińFacebook paraqshasynda Qaraǵandy oblysynyń ákimi Jeńis Qasymbek jazdy, dep habarlaıdy QazAqparat.

«Búgin oblysymyzdyń eriktilerimen kezdestim. Olardyń qatarynda oqýshylar, stýdentter men eresekter, zeınet jasyndaǵy adamdar da bar. Olardyń birazy kóp jyldan beri óteýsiz jáne erikti jumyspen aınalysyp, ardagerlerge, jalǵyzbasty adamdarǵa, múmkindigi shekteýli azamattarǵa, jetim balalarǵa kómek kórsetip keledi.
Bıylǵy jyly barlyq eriktilerdiń jumysyn úılestirý úshin «Qoldau» aımaqtyq resýrstyq ortalyǵy ashylady.

Sondaı-aq, «Áleýmettik stýdenttik vaýcher» jobasy aıasynda stýdent-eriktilerdiń jumsaǵan qarajat shyǵyndaryn óteý qolǵa alynyp otyr»,-dep jazdy ákim.

Onyń jazýynsha, bizdiń Qaraǵandy oblysynda barlyǵy 89 volonterlik top jumys isteıdi.

«Jyl sońyna qaraı bizdiń oblystyń árbir turǵyny ulttyq eriktiler qozǵalysynyń bir bóligine aınalady degen senim mol»,-deıdi ákim.