Qaraǵandy oblysynda volonterler názik jandarǵa 101 raýshan gúlin syılady

NURA. QazAqparat – Nura Arnasy tobynyń eriktileri Nura kentiniń turǵyndaryn 8 naýryz merekesimen quttyqtap, olarǵa 101 raýshan gúlin syılady. Aktsııany 16 jasar Abaı Tıyshtyq bastady, dep habarlaıdy QazAqparat tilshisi.

Birneshe aıdan beri oqýshy eriktiler tobynda bolyp, eriktiler birlestiginiń barlyq is-sharalaryna qatysady.

«Men Ybyraı Altynsarın atyndaǵy mekteptiń 10-synybynda oqımyn. Volonterlikpen ata-anamnyń áreketterine qarap, olardy úlgi tutyp aınalysa bastadym. Olar árqashan bireýge kómektesýge tyrysady. Ákem men anama qarap, men basqalarǵa da paıda ákelip, kómekteskim keldi. Osylaısha men Nura Arnasy tobyna kirdim. Birneshe aı ishinde biz shynymen de kóp jumys atqardyq: qarttardyń aýlalaryn qardan tazarttyq, azyq-túlik jıyntyqtaryn tarattyq, muqtaj adamdarǵa kómektestik. Halyqaralyq áıelder kúni qarsańynda aýdan ortalyǵynda turatyn áıelder qaýymyn quttyqtap, bir qýantqymyz keldi», - deıdi Abaı.

Raýshan gúlderin eriktilerge demeýshi – jergilikti turǵyn Raýza Jumabekova usyndy.

«Biz sulý hanymdarǵa merekelik kóńil-kúı men qýanysh syılaǵymyz keldi. Ol maqsatymyzǵa jettik dep oılaımyn. Sondaı-aq, biz ájeler turatyn 10 úıge bardyq. Olarǵa torttar men gúlder usynyldy, qarııalarmen áńgimelestik. Olar bizdiń kelgenimizge óte qatty qýandy. Nazar aýdarǵanymyz úshin shyn júrekten alǵys aıtty. Bul - biz úshin eń úzdik marapat», – dep atap ótti Nura Arnasy eriktiler tobynyń jetekshisi Talǵat Sholtaev.