Qaraǵandy oblysynda volonterler kartop ósirip, muqtaj jandarǵa taratty

QARAǴANDY. QazAqparat – Qaraǵandy oblysynyń Buqar jyraý aýdanynda «Úzilmes úmit» tobynyń eriktileri qaıyrymdylyq baqshasynan 30 qaptan astam kartop jınap, ony jalǵyzbasty qart adamdarǵa, kópbalaly jáne az qamtylǵan otbasylarǵa taratty, dep habarlaıdy QazAqparat tilshisi.

Eriktiler kóktemde «Eńbegine qaraı ónbegi» baqshasyn otyrǵyzyp, jaz boıy oǵan kútim jasaǵan. Al kúzde óz eńbeginiń jemisin muqtaj jandarǵa úlestirdi.

«Qaıyrymdylyq baqshasyn otyrǵyzý ıdeıasyn eriktiler biraýyzdan maquldady. Bıyl kartopty bizdiń dosymyz Ahmethan Bekbolattyń jer telimine testi rejıminde otyrǵyzdyq. Barlyq jınalǵan ónim muqtaj adamdarǵa taratyldy», - deıdi Buqar jyraý aýdany jastar resýrstyq ortalyǵynyń jetekshisi Mádına Sultanǵalı.

Kelesi kóktemde eriktiler baqshaǵa basqa da kókónisterdi otyrǵyzýdy josparlap otyr.