Qaraǵandy oblysynda volonter jylynyń saltanatty ashylýy ótti
Sharaǵa qoǵamdyq uıymdardyń, bilim berý, jastar saıasaty, dene shynyqtyrý jáne sport, jumyspen qamtýdy úılestirý jáne áleýmettik baǵdarlamalar máseleleri boıynsha basqarmalarynyń basshylary, Qaraǵandy oblysynyń TJD jáne PD ókilderi, sondaı-aq «VolteQ», «Shańyraq», QHA janyndaǵy Qazaqstannyń eriktiler lıgasynyń fılıaly, «Jas sarbaz» áskerı-patrıottyq klýby, Saran q. eriktiler qozǵalysynyń ortalyǵy, «AbaıTeam», «Unusualstars» jáne t. b. sııaqty oblystyń túrli qalalary men aýdandarynan eriktiler qozǵalysynyń ókilderi qatysty.
Іs-shara bastalmas buryn Dostyq úıiniń Atrıým zalynda Qaraǵandy oblysynyń TJD jedel qyzmetteriniń arnaıy jabdyqtarynyń kórmesi, sondaı-aq TJ aldyn alý boıynsha úgit-nasıhat materıaldary usynyldy. Munda TJD qyzmetimen tanysýǵa, súńgýir jáne qutqarý jabdyqtaryn, órt sóndirýshiniń jaýyngerlik kıimin, tynys alý apparatyn, jylý shaǵylystyrǵysh kostıýmdi, reanımatsııa júrgizýge arnalǵan manekendi, medıtsınalyq tóseýdi, Vakýýmdyq jáne pnevmoshınalardy kórýge múmkindik týdy. Kórme volonterlik qozǵalystar ókilderiniń qyzyǵýshylyǵyn týdyrdy.
Іs-sharanyń saltanatty bóliminen keıin Qaraǵandy oblysynyń TJD ókilderi jedel-qutqarý jasaǵynyń jáne Apattar medıtsınasy ortalyǵynyń qyzmetkerlerimen birlesip Dostyq úıiniń kontsert zalynda eriktilermen «TJ-nyń aldyn alýda jáne olardyń saldaryn joıýda eriktilerdiń róli» taqyrybynda oqytý semınaryn ótkizdi.
«Halyqty jáne aýmaqtardy tótenshe jaǵdaılardan qorǵaý, órt qaýipsizdigin jáne sý obektilerinde adamdardyń qaýipsizdigin qamtamasyz etý salasyndaǵy volonterliktiń joǵary adamgershilik negizi - adamdardyń bir-birine kómektesýge degen yntasy. Nátıje — qutqarylǵan azamattardyń ómiri men qaýipsizdigi», - dep atap ótti TJD ZQQAjAQSBB bólim bastyǵynyń orynbasary azamattyq qorǵaý polkovnıgi Erbol Baıǵazıev.
Semınar barysynda azamattyq qorǵaý qyzmetkerleri eriktilerge alǵashqy dárigerge deıingi kómek kórsetý jáne órt, sý tasqyny kezindegi is-qımyl týraly aıtyp berdi. Іs-shara qyzý áńgime túrinde ótti. Zalda volonterlerge mıkrofondar taratyldy jáne árbir nıet bildirýshi semınar taqyrybyna óz suraqtaryn qoıa aldy. Іs-shara aıasynda «alǵashqy órt sóndirý quraldary», «jylytý kezeńindegi órt qaýipsizdigi sharalary» atty beınerolıkter kórsetildi, TJ kezindegi is-áreketter pysyqtaldy.
