Qaraǵandy oblysynda vırýs juqtyrǵan eki adam buryn aýyrǵan naýqastarmen baılanysta bolǵan
QARAǴANDY. QazAqparat- Qaraǵandy oblysynda búgin eki adam koronavırýs juqtyrdy, dep habarlaıdy QazAqparat Tótenshe jaǵdaı rejımin qamtamasyz etý jónindegi Memlekettik komıssııanyń Jedel shtabyna silteme jasap.
Vırýsty juqtyrǵan adamdardyń bireýi 1958 jylǵy áıel adam, Qaraǵandy qalasynyń turǵyny. Ekinshisi 1976 jylǵy áıel adam, Abaı qalasynyń turǵyny. Olar ózderine deıin vırýsty juqtyrǵan naýqaspen baılanysta bolǵandyqtan, karantındik statsıonarǵa jatqyzylǵan.
PTR taldaý nátıjeleri boıynsha ekeýinde de COVID-19 dıagnozy naqtylandy. Naýqastar juqpaly aýrýlar aýrýhanasyna jatqyzylady. Olardyń jaǵdaıy qanaǵattanarlyq.
2020 jylǵy 25 sáýirdegi jaǵdaı boıynsha óńirde ınfektsııany 113 adamnyń juqtyrǵany anyqtalǵan, onyń ishinde bireýi qaıtys boldy, 36 naýqas jazylyp shyqty.
