Qaraǵandy oblysynda vaktsına saldyrǵandar arasynda júldeler oınatylady

QARAǴANDY. QazAqparat – Qaraǵandy oblysy Abaı aýdanynda 1 qarashada vaktsınatsııalanǵandar arasynda uıaly telefon jáne basqa da baǵaly syılyqtar oınatylady. Sharany jergilikti Jastar resýrstyq ortalyǵy uıymdastyrady, dep habarlaıdy QazAqparat tilshisi.

Utys oıynyna qatysý úshin 1 qarashaǵa deıin Abaı qalasynyń ortalyq aýrýhanasynda koronavırýsqa qarsy vaktsınanyń birinshi komponentin alý qajet.

«Vaktsınatsııalanǵandardyń tizimin bizge Abaı Ortalyq aýrýhanasy usynady. Utys oıynyn biz 1 qarashada @abaizhastary Instagram-paraqshasynda tikeleı efırde ótkizemiz. Jeńimpazdar kezdeısoq anyqtalady», – dedi Abaı aýdanynyń jastar resýrstyq ortalyǵynyń jetekshisi Olga Kýký.

Utys jeńimpazdary uıaly telefon jáne basqa da baǵaly jáne aqshalaı syılyqtar, sondaı-aq shıpajaıǵa joldamalar alady.