Qaraǵandy oblysynda vaktsına alǵandar arasynda shıpajaıǵa 20 joldama oınatyldy

QARAǴANDY. QazAqparat - Akademık E. A. Bóketov atyndaǵy Qaraǵandy ýnıversıteti professor-oqytýshylar quramy men stýdentter arasynda shıpajaıǵa alǵashqy 20 joldamanyń utys oıynyn ótkizdi, dep habarlaıdy QazAqparat tilshisi.

Vaktsına alǵan ýnıversıtet qyzmetkerleri men onyń stýdentteri arasyndaǵy utys oıyny 1 shildede bastaldy. Onyń basty maqsaty – professor-oqytýshylar quramy men stýdentterdi vaktsına alýǵa yntalandyrý. Utys oıynyna qatysýshylar ózderiniń vaktsınatsııa tólqujattaryn kórsetip, avtomatty túrde utysqa qatysýshylardyń tizimine tirkeldi. Jaqynda olardyń arasynda «Moıyldy», «Saryaǵash» shıpajaılaryna jáne «Balqash» demalys úıine 20 joldama oınatyldy.

«Akademık E. A. Bóketov atyndaǵy Qaraǵandy ýnıversıtetiniń oqytýshylary men qyzmetkerleri stýdentter men olardyń ata-analary aldyndaǵy jaýapkershilikti jáne vaktsınatsııanyń pandemııany toqtatýǵa kómektesetinin túsine otyryp, vaktsına saldyrýdy jalǵastyrýda. Vaýcherlerdiń utys oıyny - bul bárine jaǵymdy bonýs. Aldaǵy ýaqytta biz joldamalardy ǵana emes, basqa da baǵaly syılyqtardy oınatýdy josparlap otyrmyz», – dep atap ótti ýnıversıtettiń baspasóz qyzmeti.