Qaraǵandy oblysynda vaktsına alǵan turǵyndar arasynda iPhone 12 oınatylady
QARAǴANDY. QazAqparat – Qaraǵandy oblysynda vaktsına alǵan óńir turǵyndary arasynda eki iPhone 12 telefony oınatylady, dep habarlaıdy QazAqparat.
Utys oıynyn oblys ortalyǵynyń eki jas jáne belsendisi Ámir Beısenalın men Rýstam Aıtmaǵambetov uıymdastyrdy. Olardyń aıtýynsha, utys óńir turǵyndary arasynda vaktsınatsııa kórsetkishin arttyrýǵa baǵyttalǵan.
«Bizdi pandemııaǵa baılanysty qalyptasqan jaǵdaı alańdatady. Ekinshi jyl qatarynan dúkenderge, dámhanalarǵa, meıramhanalarǵa, kınoǵa, teatrlarǵa jáne basqa da qoǵamdyq mekemelerge maskasyz kirýge bolmaıtyn jaǵdaıda ómir súrip jatqanymyz unamaıdy. Biz kórermendermen ótkiziletin jappaı is-sharalar týraly umytyp kettik jáne osy jaǵdaıdan shyǵýdyń joly vaktsınatsııa dep sanaımyz. Muny neǵurlym tezirek túsinsek, soǵurlym tezirek tolyqqandy ómir súre bastaımyz», – dep atap ótti Ámir Beısenalın.
Utys oıynynyń sharttary qarapaıym: vaktsınatsııa, egý pasportyn nemese vaktsınany alǵandyǵyn rastaıtyn kez kelgen basqa qujatty sýretke túsirý, ony áleýmettik jelilerde #stopkovıdkrg heshtegimen ornalastyrý, uıymdastyrýshylardyń Instagram-daǵy akkaýnttaryna jazylý – @rr.pro jáne @amirbsn, utys týraly posttyń astyna eki dosty belgileý.
Utys oıynyna Qaraǵandy oblysynyń turǵyndary ǵana qatysa alady. Qorytyndy shilde aıynyń alǵashqy kúnderinde shyǵarylady.
