Qaraǵandy oblysynda vaktsına alǵan stýdentter utys oıynyna qatysady

QARAǴANDY. QazAqparat – Qaraǵandy oblysynyń búkil joǵary oqý oryndarynyń stýdentteri arasynda on MAXVAXBOX oınatylady. Konkýrsqa qatysý úshin koronavırýsqa qarsy vaktsınanyń keminde bir komponenti bolýy jáne JasproKrg Bot telegram-botynda tirkelýi qajet, dep habarlaıdy QazAqparat tilshisi.

Jeńimpazdar kezdeısoq sandar generatory arqyly @Jasprokrg paraqshasynda tikeleı efırde anyqtalady.

Alǵashqy bes bokstyń utys oıyny 15 qazanda ótedi. Konkýrsqa qatysý úshin 14 qazanǵa deıin tirkelý qajet.

Ekinshi kezeńge tirkelý 16–30 qazan aralyǵynda bolady. Bes MAXVAXBOX-tyń baqytty ıeleri 31 qazanda anyqtalady.

Qatysý sharttary:

- plakatta kórsetilgen QR boıynsha nemese osy siltemege ótińiz.

- Start botyn qoldanýdy bastańyz;

- qalaǵan tildi tańdańyz;

- MaxVax aıdaryna ótińiz;

- «utys oıynyna qatysý» túımesin basyńyz;

- silteme boıynsha ótip, tirkelińiz.

Tirkelgennen keıin qatysýshyǵa nómir beriledi.

Nátıje Instagram-daǵy @Jasprokrg paraqshasynda tikeleı efırde jarııalanady.

Sondaı-aq Qaraǵandy tehnıkalyq ýnıversıteti óz stýdentteri men magıstranttary úshin utys oıynyn ótkizedi.

Júldeler arasynda:

-2022 jyldyń jazyna «Polıtehnık» sporttyq-saýyqtyrý lagerine 30 tegin joldama;

- Kóktemgi semestrde aǵylshyn tilin úırenýge 30 sertıfıkat;

- 32 Gb arnalǵan 30 USB jınaqtaýyshy.

Utys oıynyna qatysý úshin 7 qazanǵa deıin vaktsınatsııa tólqujatyn [e-mail] elektrondy mekenjaıǵa jiberý arqyly tirkelý qajet.

Hatta aty-jónin, tobyn jáne uıaly telefon nómirin kórsetý kerek.

Nátıje 15 qazanda @jasorda.ktu Instagram paraqshasynda tikeleı efırde kórsetiledi.