Qaraǵandy oblysynda úzdik polıtseıler marapattaldy
Sondaı-aq PD ishki ister organdarynyń ardagerine jáne qyzmettik boryshyn atqarý kezinde qaza tapqan polıtseıdiń anasyna syılyqtar tabys etti..
«Qazaqstandyq polıtsııa qyzmet etken ýaqyt ishinde biz qylmyspen jáne quqyq buzýshylyqpen kúreste aıtarlyqtaı jetistikterge qol jetkizdik. Biraq keıde olar bizge qymbatqa túsedi – áriptesterimiz qurban bolady. Búgin óziniń qyzmettik boryshyn sońyna deıin oryndap, antqa adal bolǵandardy eske almaý múmkin emes. Qaraǵandy polıtsııasynyń 31 qyzmetkeri bizdiń júregimizde máńgi qalady jáne erliktiń, batyldyq pen ar-namystyń jarqyn úlgisi bolyp qala beredi», – dedi oblystyq PD bastyǵy Erlan Faızýllın.
Sharaǵa qatysýshylar qaza bolǵandardy bir mınýt únsizdikpen eske aldy. Odan keıin Erlan Faızýllın QR ІІM rámizderi beınelengen saǵattardy, syılyqtar men gúlderdi qyzmettik boryshyn oryndaý kezinde qaza tapqan Aleksandr Istomınniń anasy Valentına Istomınaǵa, sondaı-aq ishki ister organdarynyń ardageri, otstavkadaǵy polıtsııa podpolkovnıgi Tileýhan Alpysbaevqa tabys etti.
Qaraǵandy oblysy ІІBB jedel áreket etý rotasynyń polıtsııa serjanty Aleksandr Istomın 2000 jylǵy 26 qazanda erlikpen qaza boldy. Ol qaraqshylyq shabýyl jasaǵan kúdiktilerdi ustaý operatsııasyna qatysty. Qarýly qylmyskerlermen betpe-bet shyǵyp, oq jaraqatyn aldy.
Tóleýhan Alpysbaev quqyq qorǵaý organdaryna 1976 jyly qyzmetke ornalasty. 2000 jylǵa deıin ártúrli laýazymdarda jumys istedi. Saran qalasynyń ishki ister organynda ony tájirıbeli tálimger jáne kásibı maman retinde áli kúnge deıin eske alady.
Qyzmettik mindetterin adal atqarǵany, jumysta joǵary nátıjelerge qol jetkizgeni úshin kózge túsken ishki ister organdarynyń qyzmetkerleri merziminen buryn shender, tósbelgiler, qurmet gramotalar, alǵys hattar men QR ІІM rámizderi bar qol saǵattar aldy.
«Áriptesterimdi, ardagerlerdi, qonaqtardy Polıtsııa kúnimen quttyqtaımyn. Búgin sizder eń jyly lebizderge laıyqsyzdar. Bizge qoǵamdaǵy turaqtylyqty qamtamasyz etýde erekshe ról berilgen, sondyqtan biz osy senimdi aqtaýǵa, óz halqymyzǵa adal qyzmet etýge tıispiz. Qylmysqa qarsy kúrestiń aldyńǵy shebinde polıtsııa qyzmetkerleri kúndelikti ómirleri men densaýlyǵyna qaýip tóndiredi. Tek jaqsy daıyndalǵan jáne jabdyqtalǵan polıtseı ǵana qoıylǵan mindetterdi tıimdi sheshe alady», – dep atap ótti Erlan Faızýllın.
