Qaraǵandy oblysynda úsh jylda barlyq mektepter men balabaqshalar jóndeýden ótedi
ASTANA. QazAqparat - Qaraǵandy oblysynda 2018 jyl bilim salasyna arnalmaq.Úsh jyl ishinde mektepter men balabaqshalar kezeń-kezeńimen jóndeýden ótkizilý josparlanýda. Atalmysh maqsatqa bıýdjetten aıtarlyqtaı qarjy bólinbek. Bul jaıynda oblys ákimi Erlan Koshanov pedagogtardyń tamyz konferentsııasynda aıtty.
«2017 jyly mektepter men balabaqshalardy jóndeýden ótkizýge 4,6 mlrd teńge bólindi, bul burnaǵy jylmen salystyrǵanda eki ese kóp. Bul qarjyǵa 100-den artyq bilim oshaqtary kúrdeli jáne aǵymdaǵy jóndeýden ótkizildi. Alaıda, jóndeý jumysyna degen qajettilik budan áldeqaıda kóp, oǵan 20 mlrd. teńgeden astam qosymsha qarjy qajet», - dedi oblystyq bilim basqarmasynyń basshysy Asqat Aımaǵambetov.
- Bul - belgili másele. Shynynda da, bólingen qarjy jetkiliksiz, - dedi Erlan Qoshanov, - Keler jyly bilim salasyna, onyń ishinde jóndeý jumystaryna bólinetin qarjy ulǵaıtylady. Jóndeý jumystaryn kezeń-kezeńimen ótkizemiz. 2018 jyly tóbe jabyndylary men tereze aıyrbastaý máselesi túbegeıli sheshiletin bolady. 2019 jyly jylý júıesi men qasbet, al, 2020- shy jylǵa qaraı abattandyrý jumystarymen aınalysatyn bolamyz. Qazir jergilikti bıýdjetten ǵana emes, oblystyq bıýdjet esebinen de qarjylandyrýdy ulǵaıtý máselesin qarastyrýdamyz.
Osylaısha ǵımarattardyń energııalyq tıimdiligi arttyrylmaq.
Esep boıynsha bul sharalar tek jylýdan ǵana shamamen jylyna 100 mln teńge únemdeýge múmkindik bermek.
Jıynda 2017 jyly oblystyń bilim salasynyń bıýdjeti 12%-ǵa, ıaǵnı, 96,5 mlrd teńgege ulǵaıǵany aıtyldy.
