Qaraǵandy oblysynda úsh jasóspirim qyz sýǵa ketti
QARAǴANDY. QazAqparat – Qaraǵandy oblysynyń Ulytaý aýdanynda úsh jasóspirim qyz sýǵa ketti, dep habarlaıdy QazAqparat.
Ulytaý aýdanyndaǵy Jylandaý aýylyna jaqyn jerdegi Sarysý ózenine shomylǵan úsh jasóspirim qyz sýǵa ketti. Olardyń ekeýi 2002 jylǵy ekeni belgili boldy, al úshinshisine qatysty málimet áli anyqtalyp jatyr. Jasóspirimderdiń denesin jergilikti turǵyndar sýdan taýyp aldy.
Qazir qaıǵyly oqıǵanyń mán-jaıy anyqtalý ústinde.
Qaraǵandy oblysynyń Tótenshe jaǵdaılar departamenti azamattardy sý aıdyndarynda qaýipsizdik erejelerin saqtaýǵa shaqyrady.
Demalys oryndarda sýǵa mas nemese esirtki qabyldaǵan kúıde túsýge; sýǵa qaıyqtan, kemelerden, bul maqsatqa arnalmaǵan zattardan sekirýge; belgiden ary asyp júzip ketýge; júzýge arnalmaǵan zattarmen júzýge; kemelerge jaqyndaýǵa; sý aıdyndaryn lastaýǵa; jaǵada jáne kıim aýystyratyn jerde demalýshylardy jaraqattaýy múmkin qoqysty tastaýǵa; jalǵan kómek surap, dabyl qaqpaýǵa; tehnıkalyq jáne eskertý belgilerine órmeleýge; úlken adamnyń qaraýynsyz balany sýǵa jiberýge; shomylyp jatqan balalardy qaraýsyz qaldyrýǵa tyıym salady.
