Qaraǵandy oblysynda úsh myńǵa jýyq otbasy baspanamen qamtylady
QARAǴANDY. QazAqparat – Qaraǵandy oblysynda turǵyn úı qurylysy ósýde. Kezekte turǵandardy páterlermen qamtamasyz etý týraly óńir basshysy Jeńis Qasymbek Ortalyq kommýnıkatsııalar qyzmeti alańynda ótken brıfıngte aıtyp berdi, dep habarlaıdy QazAqparat tilshisi.
«Jeltoqsanǵa qaraı 700 myń sharshy metrge jýyq turǵyn úı salýdy josparlap otyrmyz. Bul ótken jylmen salystyrǵanda shırek ese kóp. Al aldaǵy úsh jylǵa jylyna bir mıllıon sharshy metr kórsetkishke shyǵý mindeti qoıyldy. Osy jyldyń sońyna deıin kezekte turǵan 2 866 otbasyn bıýdjettik turǵyn úımen qamtamasyz etýdi josparlap otyrmyz. Onyń 600-i
kópbalaly otbasylar», - dedi oblys ákimi.
Tórt aıda oblysta 160 myń sharshy metrden astam turǵyn úı paıdalanýǵa berildi – ótken jyldyń sáıkes kezeńimen salystyrǵanda 12%-ǵa ósti.
Óńirde jańa ónerkásip nysandary iske qosyldy. Jalpy qurylys kólemi 2,8%-ǵa ulǵaıdy.
