Qaraǵandy oblysynda úsh er adam kárizdiń býyna ýlanyp kóz jumdy
QARAǴANDY. QazAqparat - Qaraǵandy oblysynda metall synyqtaryn jınap júrgen úsh adam kárizdiń býyna ýlanyp qaza tapty. Bul týraly óńirdiń TJD baspasóz qyzmeti habarlady.
Vedomstvonyń aqparatyna sáıkes jazataıym oqıǵa Abaı aýdanynyń ıÝjnyı kentinde isten shyqqan tazalaý qurylǵysy aýmaǵynda oryn aldy.
«Tórt er adam metall qaldyqtaryn jınaý úshin káriz qudyǵyna túsken. Qordalanyp qalǵan gazdan ýlanǵan úsheýi oqıǵa ornynda kóz jumdy. Bireýi qudyqtan ózi shyqqan. Qazir ol Topar kentindegi ortalyq aýrýhanada jatyr», - delingen habarlamada.
Polıtsııa qaza tapqandardyń múrdesin 14 sáýirde keshke 5 metr tereń qudyqtan alyp shyqty. Qaza tapqandardyń jasy 28-33 aralyǵynda.
Tergeý júrgizilýde.
