Qaraǵandy oblysynda úsh basqarma qaıta quryldy

QARAǴANDY. QazAqparat - Qaraǵandy oblysy ákimi baspasóz qyzmetiniń basshysy Álııa Syzdyqovanyń aıtýynsha, ekonomıka jáne qarjy basqarmasy ekonomıka jáne bıýdjettik josparlaý basqarmasyna jáne qarjy basqarmasyna bólindi, dep habarlaıdy «QazAqparat» HAA tilshisi.

«Jańadan qurylǵan qarjy basqarmasyna memlekettik aktıvter men satyp alý basqarmasy kommýnaldyq menshikti basqarýdyń keıbir fýnktsııalary berildi.Qarjy basqarmasynyń basshysy qyzmetine Chernıavskaıa Olga Mıtrofanovna taǵaıyndaldy. Ekonomıka jáne bıýdjettik josparlaý basqarmasyna konkýrstyq irikteý arqyly Táýirbekov Oraz Qaısaıuly basshy bolyp keldi», - dep habarlady ákimdiktiń resmı ókili Álııa Syzdyqova.

Memlekettik aktıvter men satyp alý basqarmasynyń ataýy Memlekettik satyp alý basqarmasy bolyp ózgertildi. Onyń basshysy laýazymyna Kadekov Murat Sholtaquly taǵaıyndaldy. 

«Budan bólek sáýlet jáne qala qurylysy basqarmasyna qurylys basqarmasy qosylyp, qaıta quryldy - endi onyń ataýy qurylys, sáýlet jáne qala qurylysy basqarmasy boldy. Ony Isabaev Baýyrjan Kemerbaıuly basqarady».