Qaraǵandy oblysynda úsh aıda 5,5 myń adam ákimshilik jaýapkershilikke tartyldy
QARAǴANDY. QazAqparat – Qaraǵandy polıtseıleri «Ýchaske» jedel aldyn alý sharasy barysynda bes myńnan astam adamdy ákimshilik jaýapkershilikke tartty, dep habarlaıdy QazAqparat tilshisi.
«Ýchaske» jedel aldyn alý is-sharasy 7 qyrkúıekten bastap júrgizilýde. Onyń negizgi mindeti – qoǵamdyq quqyqtyq tártipti qamtamasyz etý, ákimshilik quqyq buzýshylyqtardy anyqtaý, qylmystyń jolyn kesý jáne ashý, halyqpen senimdi qarym-qatynas ornatý. Atalǵan shara aıasynda polıtseıler aýlalardy jáne páterlerdi aralap, bazarlardy, saıajaı massıvterin, qurylys nysandaryn tekseredi. Bizdiń qyzmetkerler azamattyq qarý ıelerin, sondaı-aq esepte turǵan adamdardy tekserýge, kóshi-qon zańnamasyn buzǵan sheteldikterdi anyqtaýǵa erekshe nazar aýdarady», - deıdi Qaraǵandy qalasy PB bastyǵy polıtsııa polkovnıgi Dýman Qojahmetov.
5 qarashada polıtseıler túrli quqyq buzýshylyq úshin 5520 adamdy ákimshilik jaýapkershilikke tartty. Onyń ishinde 600 adam QR-da tirkeýsiz nemese qujatsyz turady. Barlyq derek boıynsha ákimshilik hattama toltyrylyp, jınalǵan materıaldar protsessýaldyq sheshim qabyldaý úshin tıisti organdarǵa joldandy.
Sonymen qatar, polıtsııa qyzmetkerleri 8 myńnan astam azamatty tekserdi, turǵylyqty jeri joq 200-den astam adam ustaldy.
Olar 123 myń 211 turǵyn úı alaptaryn aralap, 3021 azamattyq qarý ıesin tekserdi.
