Qaraǵandy oblysynda úsh avtojol ýchaskesi ashyldy
QARAǴANDY. QazAqparat – Qaraǵandy oblysynda respýblıkalyq mańyzy bar avtomobıl joldarynyń úsh ýchaskesi ashyldy. Boran saldarynan óńirdiń 8 joly áli de jabyq, dep habarlaıdy QazAqparat tilshisi.
Aýa raıynyń jaqsarýyna baılanysty barlyq kólik túrlerine arnalǵan avtojoldardyń 3 ýchaskesinde qozǵalys ashyldy. Osylaısha qozǵalys 15 aqpan 08.00-den «Jezqazǵan-Petropavl» respýblıkalyq avtojolynyń ýchaskesinde (Jezdi kenti - Qostanaı oblysynyń shekarasy, 65-252 km); 10.30-dan bastap Ekaterınbýrg-Almaty avtojoly ýchaskesinde (Balqash q.-Saryshaǵan kenti, 1854-1995 km); 13.00-den Ekaterınbýrg-Almaty avtojoly ýchaskesiniń Temirtaý qalasynan Aqmola oblysynyń shekarasyna deıingi bóliginde ashyldy.
Respýblıkalyq mańyzy bar avtojoldardyń 8 ýchaskesinde, avtokóliktiń barlyq túrleri úshin qozǵalys jabyq kúıinde qalyp otyr.
13 beket qoıyldy, 304 kóliktiń qozǵalysy toqtatyldy (172 júk, 130 jeńil jáne 2 avtobýs), olarda 581 adam bolǵan.
61 adam j ylytý pýnktterine ornalastyryldy.
Júrgizilgen avarııalyq-qutqarý jumystarynyń nátıjesinde 7 adam qutqaryldy, 1 tehnıka qar qursaýynan shyǵaryldy, 25 adam evakýatsııalandy.
