Qaraǵandy oblysynda úsh aýyldyń aty ózgeredi
QARAǴANDY. QazAqparat - Qaraǵandy oblysyndaǵy úsh aýyldyń - Şerbakovskoe, Kıevka jáne Dalnee aýyldarynyń ataýlary ózgertiledi, dep habarlaıdy «QazAqparat» HAA tilshisi.
Aýyldardyń ataýyn ózgertý týraly sheshimdi onomastıkalyq komıssııa qabyldady. Úsh aýyl Nura jáne Osakarovskıı aýdandarynda ornalasqan.
«Bıyl kúzden bastap, Nura aýdanyndaǵy Şerbakovskoe aýyly - Qaınar aýyly, Kıevka kenti- Nura aýyly, al, Oskarovskıı aýdanyndaǵy Dalnee aýyly - Amanqońyr dep atalatyn boldy», - dedi Qaraǵandy oblysy ákimdiginiń baspasóz qyzmeti.
Qazirgi ýaqytta oblystyq tilderdi damytý jónindegi onamastıkalyq basqarma bóliminde aýyl ataýlaryn ózgertý boıynsha jobalar ázirlenip jatyr. Onyń maquldanýy men bekitilýine bir jarym nemese eki aı ýaqyt jumsalady.
Sondaı-aq, atalǵan komıssııa Nura aýdanyna qarasty túrli aýyldardaǵy 45 kósheniń ataýyn ózgertýge sheshim qabyldady.
