Qaraǵandy oblysynda úsh adamnyń ólimine qatysy bar ýchaskelik ınspektor sottaldy
ASTANA. QazAqparat - Qaraǵandy oblysynda nemquraıdylyqqa jol bergeni úshin ýchaskelik ınspektor 2 jylǵa bas bostandyǵynan aıyryldy.
Qarqaraly aýdandyq soty baspasóz qyzmetiniń málimdeýinshe, kóktemgi sý tasqyny kezinde Qarqaraly aýdanyndaǵy Besoba aýylynda ýchaskelik ınspektordyń nemquraıdylyǵy saldarynan úsh adam qaza tapqan, úsheýi dene jaraqattaryn alǵan.
Aýyl ákimi ýchaskelik ınspektorǵa sý deńgeıi kóterilgen aýmaqtarda adamdar men kólik qozǵalystaryna tyıym salýyn tapsyrǵan. Bul jumysty júzege asyrýǵa júrgizýshisimen ÝAZ avtokóligi de bólingen.
Tapsyrma berilgenine qaramastan, aýyl turǵyndarynyń joldyń qaýipti aımaqtarymen júrýine tyıym salýdyń ornyna sottalýshy A. ondaǵan adamdardy ózine berilgen avtokólikke otyrǵyzyp, basqa eldi mekenge jetkizbekshi bolǵan. Joldyń qaýipti bóliginen óte bere kólik sýǵa batyp, adamdar ajal qushty.
Qarqaraly aýdandyq soty ІІB ýchaskelik ınspektory A-ny Qazaqstan Respýblıkasy Qylmystyq kodekstiniń 371 bap 2 tarmaǵy boıynsha aıypty dep tanydy. Oǵan eki jyl bas bostandyǵynan aıyrý jáne úsh jyl ishinde memlekettik qyzmette, polıtsııanyń ýchaskelik ınspektory qyzmetin jáne quqyq qorǵaý, jergilikti ózin ózi basqarý organdarynda qyzmet atqarý quqyǵynan aıyrý úkimi shyǵaryldy.
Sot sheshimi zańdy kúshine engen joq.
