Qaraǵandy oblysynda ýaqytsha ustaý ızolıatorynan qashyp ketkender ustaldy

QARAǴANDY. QazAqparat – Qaraǵandy obylysynyń Shahtınsk qalalyq polıtsııa bóliminiń ýaqytsha ustaý oqshaýlaǵyshynan qashyp ketken eki er adam ustaldy, dep habarlaıdy QazAqparat tilshisi.

Zań buzýshylar tergeýde bolǵan. Endi negizgi aıyppen qosa, olarǵa ızolıatordan qashqany úshin jaza merzimi qosylýy múmkin.

«8 naýryzda Qaraǵandy oblysy Shahtınsk qalalyq polıtsııa bóliminiń ýaqytsha ustaý abaqtysynyń serýendeý aýlasynan tergeý barysyna qamaýǵa alynǵan eki adam qashyp ketti. Alaıda qylmyskerler alysqa uzap kete alamady.

Jedel-izdestirý sharalary barysynda krımınaldyq polıtsııa qyzmetkerleri birneshe saǵat ishinde qashqyndardy ustady. Qashý faktisi boıynsha QR QK 426-babymen qylmystyq is qozǵaldy. Tergeý amaldary júrgizilýde», - dep málim etti Qaraǵandy oblysy Polıtsııa departamentiniń baspasóz qyzmetinen.