Qaraǵandy oblysynda TJD kúsheıtilgen qyzmet túrine kóshti
QARAǴANDY. QazAqparat - Qaraǵandy oblysynyń Tótenshe jaǵdaılar departamenti, sondaı-aq onyń qurylymdyq bólimsheleri qatty aıazǵa baılanysty kúsheıtilgen rejimge kóshti, dep habarlaıdy QazAqparat tilshisi.
Respýblıkalyq mańyzy avtojoldardyń boıynda ornalasqan 7 trassalyq medıtsınalyq-sanıtarlyq beket qyzmet kórsetýge saqadaı-saı.
Buǵan qosa, 28 jylytý beketi ázirlengen. Sonymen qatar atalmysh maqsatqa paıdalanýǵa 52 óndiristik ǵımarat daıyn tur.
Oblys joldarynda qar basyp qalý qaýpi bar 614 jol ýcheskesin baqylaý kúsheıtildi. Olardyń jalpy uzyndyǵy - 881 shaqyrym.
«Almaty-Ekaterınbýrg» avtojolynyń anaǵurlym kúrdeli bóligi «Anar-Temirtaý» ýchaskesine 60-tan astam qar tazalaý tehnıkasy jumyldyrylady. Jalpy joldardy tazartýǵa 248 arnaıy tehnıka ázirlengen.
