Qaraǵandy oblysynda TJD bastyǵynyń orynbasary 4 jylǵa sottaldy
QARAǴANDY. QazAqparat - 200 000 teńge para alǵanyn moıyndaǵan Qaraǵandy oblystyq tótenshe jaǵdaılar departamenti bastyǵynyń orynbasary Vadım Magamadov 4 jylǵa sottaldy, dep habarlaıdy «QazAqparat» HAA tilshisi.
Kýágerlerdiń jaýaptary men is materıaldaryn qaraǵan Qaraǵandy qalasy, Qazybek bı aýdanynyń №1 sotynyń sýdıasy Aıgúl Myrzabekova QR QK 366-babynyń («para alý») 2-bóligi jáne QR QK 361-babynyń («laýazymdyq ókilettikterdi teris paıdalaný») 2-bóligi boıynsha Magamadov Vadım Emhadovıchtiń aıypty dep tanydy. Ol 4 jylǵa bas bostandyǵynan aıyryldy.
Eske sala keteıik, Sybaılas jemqorlyqqa qarsy is-qımyl ulttyq bıýrosynyń Qaraǵandy oblysy boıynsha departamentiniń qyzmetkerleri 2017 jylǵy 4 sáýirde TJ departamenti bastyǵynyń orynbasary Vadım Magomadovty 200 myń teńge kóleminde para alýǵa kúdikti dep ustaǵan bolatyn.
