Qaraǵandy oblysynda TJ rejımin buzýdyń 86 deregi anyqtaldy
Tótenshe jaǵdaı jarııalanǵan kezden bastap polıtsııa bólimderine 128 adam jetkizildi, Qazaqstan Respýblıkasy Ákimshilik quqyq buzýshylyq kodeksiniń 476-baby, ıaǵnı «Tótenshe jaǵdaı rejımin buzý» boıynsha 86 quqyq buzýshylyq anyqtaldy. Atalǵan baptyń sanktsııasyna sáıkes 10 AEK kóleminde aıyppul salýdy nemese 10 táýlikke deıin ákimshilik qamaqqa alýdy kózdelgen. Tótenshe jaǵdaı kezeńinde tirkeýden ótken qarýdyń ózin tasymaldaýǵa jáne alyp júrýge tyıym salynǵan. Polıtsııa qyzmetkerleri qyzmettik mindetterin atqarý kezinde, tirkeýde turǵan 3 ańshy myltyǵymen 1 pnevmatıkalyq tapanshany tárkiledi. Baqylaý beketinen ótpek bolǵan, Qazaqstan Respýblıkasyndaǵy tirkeý merzimi ótip ketken 30 jastaǵy Ózbekstan azamaty ustaldy.
Sondaı-aq ótken jyldyń 24 jeltoqsanynan beri iz-túzsiz joǵalǵan dep sanalǵan 30 jastaǵy Qaraǵandy qalasynyń turǵyny beketten ótý barysynda anyqtaldy. Qaraǵandy oblysynyń polıtsııa departamenti, polıtsııa qyzmetkerleriniń jumysyna túsinistikpen qaraıtyn turǵyndarǵa alǵysyn bildirip, azamattardan tótenshe jaǵdaıdyń barlyq talaptaryn oryndaýdy suraıdy.
«Sonymen qatar, Almaty jáne basqada Ońtústik óńirlerde quqyq qorǵaý organynynyń qyzmetkerlerimen zańǵa qaıshy áreket jasaǵan jáne tonaýmen aınalysqan azamattardy ustaý sharalary júprgizilýde. Osyǵan baılanysty Qaraǵandy oblysynyń polıtseıleri de óńirde osyndaı tulǵalardy anyqtaý boıynsha keshendi is-sharalar júrgizýde. Sondyqtanda oblys turǵyndarynan barlyq kúdik týdyratyn sátter boıynsha qyraǵylyq tanytyp, birden 102 telefonyna habarlasýlaryn suraımyz», - dep málimdedi Qaraǵandy oblysynyń komendanty Erlan Faızýllın.
