Qaraǵandy oblysynda TJ rejımin buzý boıynsha 447 derek anyqtaldy

QARAǴANDY. QazAqparat – Qaraǵandy oblysynda tártip saqshylary Tótenshe jaǵdaı rejımin buzýdyń 400-den astam faktisin tirkedi. Polıtsııa qyzmetkerleri 31 adamdy qamaýǵa aldy, dep habarlaıdy QazAqparat tilshisi.

Qaraǵandy oblysynda quqyqtyq tártipti qamtamasyz etý úshin barlyq polıtsııa qyzmetkerleri, Ulttyq ulan men QR Qorǵanys mınıstrliginiń áskerı qyzmetshileri kúsheıtilgen rejımde qyzmet atqarýǵa kóshirildi. Óńirdiń eldi mekenderinde shyǵý jáne kirý joldarynda blok-beketter uıymdastyrylǵan.

TJ rejımin jarııalaý kezeńinde polıtsııa qyzmetkerleri 447 tártip buzýshylyqty anyqtady. Ákimshilik qamaýǵa 31 buzýshy tartyldy. Tyıym salynǵan 17 zat, onyń ishinde 9 tegis uńǵyly myltyq tárkilenip, esirtki zattaryn saqtaýdyń 6 faktisi anyqtaldy.

Qaraǵandy oblysynyń polıtsııa departamenti turǵyndarǵa tótenshe jaǵdaı rejımin túsingeni úshin alǵys aıtyp, barlyq talaptardy saqtaýdy suraıdy.