Qaraǵandy oblysynda túzeý mekemesiniń alty qyzmetkeri sottalýshyny óltirgenderi úshin túrmege toǵytyldy - BAQ
ASTANA. 31 qańtar. QazAqparat -AK 159/7 túzeý mekemesiniń alty qyzmetkeri, onyń ishinde rejım bólimi basshysynyń orynbasary, aıyptaý oqshaýlaǵyshynyń jedel qyzmetkerleri jáne eki kezekshi sottalýshy Shámil ıAroslavlevti óltirgenderi úshin temir tordyń ar jaǵyna toǵytyldy.
Bul týraly «Ekspress K» gazetinde jazyldy.
Bul oqıǵa eldi dúrliktirdi dese de bolady. Túzeý mekemesinde sottalýshy Shámil ıAroslavlev kóz jumdy. Resmı túrde ol júrek soqpaýynan mert boldy dep jarııalandy. Alaıda buǵan senbegen marqumnyń aǵasy Rýslan Ozdoev oqıǵanyń mán-jaıyn anyqtaýda túbine deıin jetýdi jón kórdi. Sottyq-medıtsınalyq saraptamanyń qorytyndysyna sáıkes, ıAroslavlev júrek tusyna tıgen qatty soqqydan mert bolǵan. Oǵan qosa sarapshylar onyń denesinen birneshe jaraqattardy baıqaǵan, súıekteri 30 jerden synǵan, olar sottalýshyny qatty soqqynyń astyna alǵan degen qorytyndy shyǵardy. Bul qylmystyq isti qozǵaýǵa ıtermeledi.
Sot tórt aıdan astam ýaqyt boıy túzeý mekemesi qyzmetkerleriniń sottalýshynyń ólimine qatysy bar-joǵyn tekserdi. Shahtınsk qalalyq sotynyń sýdıasy Rafaıl Dýrdyev málim etkendeı, sottalýshylardyń kinási tolyǵymen dáleldendi. Túzeý mekemesiniń burynǵy qyzmetkerleri 5 jyldan 8 jylǵa deıin bas bostandyqtarynan aıyryldy, dep jazdy basylym.
