Qaraǵandy oblysynda Túrkııa men Anglııadan kelgen týrıster joǵalyp ketti
QARAǴANDY. QazAqparat - Qaraǵandy oblysynyń taýlarynda eki sheteldik - Túrkııa jáne Anglııa azamattary habar-osharsyz ketti. Bul týraly «QazAqparat» HAA QR Іshki ister mınıstrligi Tótenshe jaǵdaılar komıtetiniń resmı ókili Nursultan Nurahmetovke silteme jasap habarlaıdy.
«7 qazan kúni 3:07-de Qaraǵandy oblysynyń Qarqaraly aýdanynda eki adam joǵalǵany týraly habar kelip tústi. Olardyń biri - 1990 jyly týǵan Anglııa azamaty, ekinshisi - 1992 jyly týǵan Túrkııa azamatshasy. Olar «Sosnovyı bor» sanatorııinen tańerteń erte serýendeý úshin shyǵyp, qaıta oralmaǵan», - deıdi Nursultan Nurahmetov.
Habar-osharsyz ketken týrısterdi izdeý úshin qutqarýshylar, Qarqaraly memlekettik ulttyq tabıǵı park jáne ishki ister organdarynyń qyzmerlerinen quralǵan izdeý-qutqarý toby jasaqtaldy.
Týrısterdi shamamen tańǵy altyda Qarqaraly qalasynan 9 shaqyrym jerden orman kúzetshisi taýyp aldy. Qutqarýshylar sheteldikterdi Qarqaraly qalasyna jetkizdi, olar medıtsınalyq kómekke qajetsinbegen.
