Qaraǵandy oblysynda turǵyn úıdegi órt birneshe saǵat boıy sóndirildi
QARAǴANDY. QazAqparat – Qaraǵandy, Abaı jáne Saran qalalarynyń órt sóndirý qyzmetiniń mamandary Aqtas kentidegi kóppáterli úılerdiń birinde bolǵan órtti sóndirýge jumyldyrylyp, birneshe saǵat boıy ashyq jalynmen kúresti, dep habarlaıdy QazAqparat tilshisi.
22 jeltoqsanda saǵat 18.21-de Aqtas kentinde Gastello kóshesi boıyndaǵy eki qabatty 8 páterli turǵyn úıden órt shyqqany týraly habarlama kelip túsken. Alǵashqy órt sóndirý bóliminiń qyzmetkerleri kelgen kezde úıdiń tóbesi ashyq jalynmen janyp jatqan.
Jalynnyń jaıylyp ketýine baılanysty onymen kúres qıyndaı túsken. Órt 400 sharshy metr aýmaqty sharpyǵan. Negizinen shatyrdyń aǵash qurylymdary janǵan. Ottyń odan ári jaıylý qaýpi boldy.
«Saran qalasynda 16 shaqyrym qashyqtyqta ornalasqan 24-ÓSB alǵashqy órt sóndirý bólimshesi saǵat 18:43-te keldi. «101« dıspetcherleriniń qońyraýlary boıynsha Qaraǵandy qalasynan 10-ÓSB bólimshesi qosymsha jiberildi (qashyqtyq 20 shaqyrym). Oqıǵa ornyna kelgennen keıin, órshigen órt pen ony sóndirýdiń kúrdeliligin eskere otyryp, kúrdelilik dárejesin 2 bıs-ke deıin kóterý týraly sheshim qabyldandy. Órt ornyna Qaraǵandy jáne Abaı qalalarynan qosymsha kúshter jiberildi», - dep habarlady Qaraǵandy oblysy TJD baspasóz qyzmetinen.
Órtti sóndirýge Qaraǵandy oblysy TJD jeke quramynan 38 adam jáne 9 tehnıka jumyldyryldy. Qabyldanǵan sharalarmen órt 20:00-de sóndirildi.
Aldyn ala boljam boıynsha, órttiń sebebi shatyrdaǵy elektr symdarynyń qysqa tuıyqtalýy bolýy múmkin.
