Qaraǵandy oblysynda turǵyn úı qurylysy 12%-ǵa ósti
QARAǴANDY. QazAqparat – Qaraǵandy oblysynda turǵyn úı qurylysynyń qarqyny joǵary. Aldyn ala qorytyndy boıynsha, tórt aıda 160 myń sharshy metrden astam turǵyn úı paıdalanýǵa berý kútilýde, bul 2020 jyldyń sáıkes kezeńine qaraǵanda 12,7%-ǵa ósedi, dep habarlaıdy QazAqparat tilshisi.
«Turǵyn úı qurylysynda biz ózimizge joǵary maqsat qoıdyq. Shamamen 700 myń sharshy metr, ótken jyldyń deńgeıine qaraǵanda 1/4 ese ósýmen. Al aldaǵy úsh jylda jylyna mıllıon sharshy metrge shyǵýdy josparlap otyrmyz. Oń dınamıkany saqtaý qajet. Bıýdjet esebinen barlyq kólemniń 15%-y salynýda. Bul áleýmettik turǵyn úı. Qalǵany - kommertsııalyq turǵyn úı. Suranys bar, al ákimdikter turǵyn úı qurylysy úshin jer telimderi men ınfraqurylymdy qamtamasyz etedi», – dedi óńir basshysy Jeńis Qasymbek onlaın rejıminde ótken apparattyq keńeste.
Ekonomıka basqarmasynyń basshysy Azamat Muqanovtyń aıtýynsha, oblysta qańtar-sáýir aılarynda 1 trln 319,5 mlrd teńge kóleminde ónerkásiptik ónim óndirý kútilýde. Boljam boıynsha, óńdeý ónerkásibinde ósim 2%-dy quraıdy.
Oblys ákimi áleýmettik-ekonomıkalyq damý ındıkatorlaryn oryndaý boıynsha tapsyrma berdi. Óńirdegi ekonomıkalyq turaqtylyq pen jańa jumys oryndaryn qurý táýeldi salalar erekshe baqylaýda qalyp otyr, dep atap ótti ol.
Esterińizge sala keteıik, Qaraǵandy oblysynda 2021 jylǵa ekonomıka ósimi 3,4% josparlanǵan.
