Qaraǵandy oblysynda turǵyn úı kezeginde turǵan myńnan astam adamdy tirkeýden alyp tastady
Qadaǵalaý vedomstvosy jergilikti atqarýshy organdardyń «Nurly jer» baǵdarlamasyn jáne 2019-2020 jyldary Jezqazǵan, Sátbaev qalalary men Ulytaý aýdanyn áleýmettik-ekonomıkalyq damytý boıynsha Keshendi jospardy júzege asyrý barysynda azamattardy turǵyn úımen qamtamasyz etý jumystaryna tekseris júrgizdi.
Nátıjesinde páterlerdi qylmystyq jolmen alý, jalǵa beriletin jáne nesıelik páterlerdi zańsyz bólý, bıýdjet qarajattaryn baqylaýsyz jumsaý, 1200 adamdy turǵyn úıge muqtajdardyń kezegine negizsiz qoıý, 110 páterdi jalǵa kelisimshartpen bekitpeı berý faktileri anyqtaldy.
Qabyldanǵan sharalarmen bıýdjetke 18 mln teńgeden astam soma, 4 páter kommýnaldyq menshikke qaıtaryldy, páterlerdi jalǵa berý týraly 94 kelisimshart bekitildi.
«5 jetim bala páter aldy, kezekte negizsiz turǵan 1000 tulǵa shyǵarylyp, páterge naqty muqtaj adamdardyń úı alý múmkindikteri arttyryldy. Qazir joǵaryda atalǵan faktiler boıynsha sotqa deıingi tergep-tekserýler QK 189 jáne 190 baptary boıynsha júrgizilip jatyr. Prokýrorlardyń aktileri boıynsha 28 laýazymdy tulǵa, onyń ishinde 12 basshy tártiptik jaýapkershilikke tartyldy», - dep málimdedi Qaraǵandy oblysy prokýratýrasynyń baspasóz qyzmeti.
Sonymen qatar, oblys prokýratýrasynyń bastamasy boıynsha ákimdik turǵyn úılerdi bólý jáne memlekettik baǵdarlamalar aıasyndaǵy kelisimderdiń oryndalýyn baqylaıtyn ýákiletti organdy aıqyndady.
Turǵyn úı kezegine qoıý týraly ótinishterdi qabyldaý barysyn elektrondyq portaldardyń kómegimen tsıfrlandyrý máselesi qaralýda.