Qaraǵandy oblysynda týberkýlezden bolǵan ólim-jitim sany 30,1%-ǵa azaıǵan

Aımaq basshysy básekege qabiletti 50 eldiń qataryna ený Strategııasynyń densaýlyq saqtaý salasyn damytýdyń tórt negizgi baǵyty boldy, sonyń biri - áleýmettik mańyzy bar aýrýlaryn tómendetý, onyń ishinde osy týberkýlez ekendigin atap aıtty. Sonymen qatar, densaýlyq saqtaýdy damytýdaǵy «Salamatty Qazaqstan» memlekettik baǵdarlamasyn júzege asyrý bolyp tabylady. «Oblysta týberkýlezdiń aldyn alý jumystary júrzilip jatyr. Jınalysqa densaýlyq saqtaý jáne bilim berý basqarmalarynyń jetekshileri Erjan Nurlybaev jáne Ashat Aımaǵambetov sóz sóıledi. Jınalysta týberkýlezdiń aldyn alý úshin aǵymdaǵy jyly 2 mlrd. 191 mln.teńge bólingendigin aıta ketti. Oblysta týberkýlezge qarsy 4 dıspanser jumys isteıdi, jalpy qýattylyǵy 903, onda 198 ftızıator jáne 533 orta medıtsınalyq qyzmetker jumys jasaıdy. Júrgizilip jatqan jumystardyń nátıjesinde týberkýlez aýrýyna shaldyqqandar sany 9,5%-ǵa, alǵashqy ret aýyrǵandar sany 3,5%, balalar arasynda 31,8%, ólim-jitim sany 30,1%-ǵa tústi. Oblysta týberkýlezdi anyqtaý úshin Osakarovka, Buqar jyraý, Abaı jáne Shet aýdandaryna 4 qozǵalmaly flıýorograf kerek, sonymen qatar, Qaraǵandy qalasyna 2 stantsıonarly flıýorografııa qajet. Sonymen qatar, týberkýlezdiń aldyn alý qyzmetin memlekettik qazynalyq kommýnaldy mekemesine aýystyrý máseleleri qarastyryp jatyr. Bul degenimiz - keńesshilik-dıognostıkalyq qyzmet kórsetetin emdeý uıymdarymen kelisim-shartqa otyrýǵa múmkindik beredi», - dep jazylǵan habarlamada. Jınalys sońynda oblys ákimi Saran týberkýlezge qarsy balalarǵa arnalǵan sanatorııa uıymyna rentgen-dıagnostıkalyq apparattardy alýǵa tapsyrma berdi.