Qaraǵandy oblysynda «Trassa» jedel aldyn alý sharasy ótip jatyr
ASTANA. QazAqparat - Qaraǵandy oblysynda sáýirdiń 19-nan 21-ne deıingi aralyqta polıtseıler «Trassa» jedel aldyn alý sharasyn ótkizýde. Bul kúnderi aýyldyq jerlerdegi jol-patrýl polıtsııasynyń qyzmetkerleri jáne ýchaskelik polıtseıleri kúsheıtilgen qyzmet etý rejımine aýystyryldy, dep habarlaıdy óńir basshysynyń resmı saıty.
Túngi ýaqytta trassalarda polıtsııa patrýlderi JÁEAJ narıadtarymen kúsheıtiledi.
Jedel-aldyn alý sharasy júrgizýshiler arasynda kóliktik tártipti nyǵaıtý jáne jol kólik oqıǵalary sanyn tómendetý maqsatynda uıymdastyrylyp otyr.
Sonymen qatar, kóliktik uıymdar ókilderimen birige otyryp polıtseıler qoǵamdyq kólik júrgizýshileri, onyń ishinde taksı júrgizýshileriniń jol júrý erejelerin buzý derekterin anyqtap, joıatyn bolady.
Aǵymdaǵy jyldyń 1-shi toqsanynda Qaraǵandy oblysynyń aýmaǵynda 94 jol -kólik oqıǵasy tirkelip, sonyń saldarynan 34 adam qaza tapsa, 122 -si ártúrli deńgeıde jaraqat alǵan. Jol-kólik oqıǵasynyń 15-i respýblıkalyq mańyzy bar tas joldarda tirkeldi, onda 21 -adam qaza taýyp, 23-i jaraqat alǵan. Taldaý kórsetkendeı, jol -kólik oqıǵasynyń negizgi saldary jyldamdyqty shekten tys asyrý jáne júrgizýshilerdiń joldyń qarsy betine shyǵýynan bolyp otyr.
