Qaraǵandy oblysynda tórt basqarma qaıta quryldy

ASTANA. QazAqparat - Qaraǵandy oblysynda biriktirý jáne bólý joldary arqyly tórt basqarma qaıta quryldy. Aımaqty basqarý úlgisinde oryn alǵan ózgertýler jaıly oblystyq máslıhat sessııasy barysynda oblys ákiminiń apparat jetekshisi Janat Ysqaqov málimdedi, dep habarlaıdy «QazAqparat» HAA tilshisi.

Qaraǵandy oblysy ákiminiń resmı saıtynyń aqparatyna sáıkes, Úkimet qaýlysymen oblys ákimderine jylyna bir ret jergilikti atqarý organdarynyń qurylymyn aýystyrýǵa ruqsat berilgen. Ol jańa basqarma qurý, qurylymdyq bólimshelerdi biriktirý, qosý nemese bólý bolýy múmkin.

Bul quqyqty paıdalana otyryp, Qaraǵandy oblysy birqatar basqarmalardy qaıta qurýdy uıǵarǵan. Baıandamashynyń aıtýynsha ol jergilikti memlekettik basqarmanyń tıimdiligin arttyrý úshin jasalyp otyrǵan qadam.

Eki basqarmany qosý arqyly Qurylys, sáýlet jáne qala qurylysy oblystyq basqarmasy qurylady. Ekonomıka jáne qarjy basqarmasy ekige bólinedi: qarjy, ekonomıka jáne bıýdjettik josparlaý. Sonymen qatar Memlekettik aktıvter jáne satyp alý basqarmasy da qaıta qurylady. Budan bylaı ol Memlekettik satyp alý basqarmasy bolady, al mellekettik aktıvter qarjy basqarmasyna beriledi.

Bólimshelerdegi shtat sanynyń shekteýi saqtala otyryp jergilikti memlekettik basqarma qurylymdarynyń ózgeristeri oblys ákimdiginiń qaýlysymen zańdastyrylǵan. Obystyq máslıhat depýtattary jańa basqarma úlgisin quptady.