Qaraǵandy oblysynda tergeýshi 800 myń teńge para alǵan
QARAǴANDY. 29 shilde. QazAqparat - Qaraǵandy oblysynda Abaı aýdandyq ІІB Topar polıtsııa bóliminiń tergeýshisi qamaýǵa alyndy.
Ol 800 myń teńge kóleminde para aldy dep aıyptalýda. Bul týraly oblystyq qarjy polıtsııasy departamentiniń baspasóz qyzmetinen habarlady.
«Shilde aıynyń basynda Qaraǵandy oblystyq qarjy polıtsııasy departamentine Topar kentiniń turǵyny Abaı aýdandyq ІІB Topar polıtsııa bóliminiń tergeýshisi Talǵat Asan eki azamattan jaqyn týystaryn qylmystyq jaýapkershilikten arashalap qalý úshin aqsha bopsalaǵany jaıynda aryzymen júgingen. Tártip saqshysy para alý kezinde ustaldy. Onyń ústinen para alý boıynsha 2 qylmystyq is (QR QK 311 baby 2 bóligi, QR QK 311 baby 4 bóligi «g» tarmaǵy) qozǵaldy», - delingen habarlamada.
Tergeý boljamy boıynsha, polıtsııa bóliminiń tergeýshisi óziniń qyzmettik kabınetinde qylmystyq is qozǵamaý jáne qamaýǵa alý túrindegi jazalaý sharasyn qoldanbaý úshin 500 myń teńge qarjy alǵan. Aqshaǵa qunyqqan ol Qaraǵandy qalasyndaǵy saýda úıleriniń birinde 300 myń teńge kóleminde para alý kezinde qolǵa tústi.
«23 shilde kúni tergeýshi T.Asanǵa para aldy degen aıyp taǵylyp, sot sanktsııasymen qamaýǵa alyndy. Qylmystyq is tergelýde», - dep atap ótilgen baspasóz habarlamasynda.
